Пандонь ве

Пандотне лангс новольсь чопода весь,

Леесь лажны сэрей пандо алга.

Бажамосо седеем пешкедсь,

Вечкема чись—монень паро ялга.

Ковось нолашсь крута пандо экшс,

Вармась палси цецине лопатнень.

Пандо юткс уды аулось кекшсь,

Мон вечксынь весе трудий ломатнень.

Озан, симан лакиця нарзан,

Шумбралгады сэредиця потмо.

Марсельезакс эсь морон моран,

Эрьва тевесь минек корты одто.

Апак мора а коданя ней,

Од эрямось пек уш морот вечки.

Пандо тёкшонть сиякс вельти эй.

Каргонь кись менеленть кавтов печки…