Дунаенть чиресэ

Козонь а пачколи ломанесь

А кувака пингензэ ютамс!

Монь икельга чуди Дунаесь

Аволь ве час, аволь минута.

Монь икельга таргавсь Дунаесь,

Ёвксонь тейтерень коцтокс сравтозь.

Или тесэ налксесь сонсь маесь

Ды мейле тусь, кушаконь правтозь.

Волнатне лангс од цёра Маркакс*

Ванан толокс палы седейсэ.

Душманонть чавозь сынь те таркас,

Народонь мель кандан эсь эйсэн.

Аштян, прок учан мазый феянть**,

Кона эри волнатнень човсо,

Но мезеяк, ялгат, а теян,

Монь седеем — свал Московсо.

Селистра— Констанца. 1944 не.

* Марка – Горькоень ёвксонь герой.

** Фея – ёвксонь тейтерь, кона эри ведьсэ.