|
|
Андрей Пизёл. Пертьпельксэнь тешкст
***
Вечкан, зярдо ашо килей
Нолдтни мазый цюцёвт-пилекст.
***
Зярдо лёмзёркс чадозь цвети, -
Тантей вина прок иредсти.
***
Панжиковсто якан тов,
Косо цвети горнипов.
***
Зярдо панжи бояркуро,
Цецязо прок пуло уронь.
***
Вирень кужо аволь умок
Артовсь-ацавсь теке кумбо.
***
Мекс свал шкане сорны поесь?
Те чувтонть истямо коесь.
***
Паксянь келес - ашо тикше:
Те истяня цвети ликша.
***
- Тумо, тумо, зняро сэрят!
Вансак, сядо иеть эрят.
***
Кузось оршась пиже сумань, -
Те оршамкась сонзэ умонь.
***
Неиндерят онстот пиче, -
Таго шумбралгадат течи.
***
Се чувтонтень мерить селей,
Конань лопанзо а келейть.
|
| Категория: Стихи | Добавил: tati (27.04.2011)
|
| Просмотров: 663
| Рейтинг: 0.0/0 |
|
|
|
