Ве

Потыця чоподанть сэтьметь эскельксэнзэ.

Сон а эрязкали, шкасонть, нать, ускси.

Чалги апак капша якшамо пильгсэнзэ,

Сыргозиця чиденть тензэ теевсь пси.

Мари тестэ-тосто атякштнэнь вайгелест.

Сынь ськамост капшавтыть туиця инженть.

Сон парсте чарькодьсы неть нармунтнень келест

Ды чатьмонезь кирди лангозост кеженть.

Те чоподась сыре. Пек ламо иензэ.

Мекев-васов яказь, виензэяк маштсть.

Ансяк туемс сави тагояк эстензэ:

Атянть лездыцязо вейкеяк арась….