***

Лембе ве. Тештинетне эзть вельме.

Костояк а пувазеви варма.

Тонь вановтот нусманя ды кельме,

Ды вайгелеть машнетеме кармась.

Вана истямо жо кизэнь вестэ

Ушодовсь нурькине вечкеманок.

Ильведевкс мартот теинек сестэ.

Мон тонь кис куломо ульнинь анок.

Арсян, мекс те шкас эзия редя:

Лембе ежо тонь седейс эзь вельме,

Вечкемань ормась эйзэть эзь педя…

Вановтонок нусмакадсть ды кельместь.