***

Исяк давол вармась кандсь тень зыян.

Мон сонзэ прянь кепедезь вастыя.

Течинь чись седе уцяскав карми,

Ды а тандавтсамам кежей варма.

Ванды сувсо вельтяви менелесь,

Но валдо ули вандыде мейлесь.

Сон апаронть ютазь чинтень кадсы,

Паронть жо таго миненек макссы.

Истя, содан, свал улеме карми.

Кадык правтыть эйсэнь виев вармат,

Кадык сувсо вельтяви менелесь,

Уцяскав карми вандыде мейлесь.