|
|
Александр Доронин. КЕЗЭРЕНЬ ОШ
КЕЗЭРЕНЬ ОШ
Пандо чамас, козонь маней
Мацейкс валгони оймсеме,
Минь, студентнэ, кизэнь шкане
Сынек стувтозь шкань вешнеме.
Ковонь перть чувинек коймсэ
Ожо порсо ацазь пандонть.
Калясь пси — а зярдо оймсемс,
Тевть эзинек кадно вандыс.
Вай, кенярксось! Кевень кудот
Лиссть чувозь таркатнень алдо!
Нать, кувать модасонть удость,—
Сокор вальмаст венстизь валдос.
Ош кезэрень те. Часиясь:
Сон мекев ваны чинь стямос,
Эзь човсеве пингень зыянс
Сыця шкас сонзэ бажамось.
Ютыть пингть — ды, вант, истя жо
Минек ошось, кона садсо,
Туеме бажи а бажи —
Модас уцясканзо кадсы.
|
| Категория: Стихи | Добавил: tati (10.10.2010)
|
| Просмотров: 972
| Рейтинг: 0.0/0 |
|
|
|
