***

Кельме теште, мазый теште

Эйсэнь вансты, эйсэнь эжди, —

Тюштя пингень сон, умонь,

Ансяк ялатеке монь.

Ветси масторганть кедь педе.

Зярдо пупордян — кепеди,

Кирди, терди, невтни ён...

Ёман сонтемензэ мои.

Киненьгак сон а нельгеви,

А салави, а сельгеви,

А шешкеви киненьгак,

А правтови правтозьгак.

Кельме теште, мазый теште,

Сон а оргоди, а кежди:

Ялгась тусь, толпандясь мадсь —

Тештем-тештинем лиядсь.

Теште, теште, мазый теште...

Тошки седеесь, нирежди:

Теште, ялгинем умонь,

Ансяк тон а манчат монь.