ИЛЬТЯМО

Омбоце чи зэрнесь войнась.

Марявсь, ёндолсо эшкевсь шкась,

Прок алов валгсь менелесь.

Омбоце чи пурнась-сэрнясь

Ды эсь цёратнень баславась

Апокшке эрзянь велесь.

Сынь тензэ сюконясть... Сыргасть.

Мельгаст аватне лайшезь рангсть,

Нардтнесть сельведев чамаст.

Прок содасть, седеест марясь:

Зярдо прядови те войнась,

Сыть пеледест аламо.

...Розь паксянть кавтов керясь кись,

Марявсь, сонгак простямо лиссь.

Увтясь колозонть зёрнась.

Паксяванть лембе варма чийсь.

Раужо пельтнень ютксо чись,

Теке тандавтозь, сорнось.