* * *
Гигакснить галат! Гигакснить галат!
Вай, кода рангить! Вай, Верепаз!
Нусманя кеняркс оймезэнь валыть,
Вайгельсэст увтить тов — ютазь шкас.
Матраты сэрем, кундаты келем,
Зыйть юты эзган — ризкстнэ пицить.
Кунсолы оймем, чатьмони велем:
Гигакснить галат, галат ливтить.
Гигакснить галат… Курок якшавты.
Сёксь саи ушонть, лопатне прыть…
Гигакснить галат… Мезде мелявтат?
Валдо од шкатне мекев а сыть.
Гигакснить галат… менелесь олась,
Сэпшть мери коштось, потмура чись.
Менстязесь — менстязь, колазесь — колазь.
Ёвтазесь — ёвтазь… истя уш лиссь.
Менстязесь — менстязь… Шкантень а вельмемс,
Прядовсь од порат, прядовсь одксчить…
Кунсолок, оймем. Кунсолок, велем:
Гигакснить галат… Галат ливтить…
| 
