***
Эскели, лекси-пувси, теке пандо
Лангсонзо кирди – стака тензэ понгсь…
Сон сизесь… Ялатеке «пандоть» канды,
Те – с о н з э канстось, сонсь кочкизе, сонсь…
Эскели… Кадык вановтозо олась,
Кеми – пачкоди ков-бути васов…
А кирдеви потсонзо гувны толось,
Пици – веши нолдамонзо ушов!
Те толось, сон – вечкемань! Прянь идемань!
Эрямось сонтемензэ трокс ары –
Кельмевтьсы ойменть, яжасы кемеманть…
Толтомо сон а цидярды ды…пры.
Ды лепштяви… Мерькасы канстось-пандось –
А лыкамс, а кепедевемс, а стямс…
А кинень ули тензэ канстонть кандомс,
А мезекс ули стака ки ютамс.
Секскак сон моли састо, теке пели
Пупордямс, правтомс ды ёмавтомс сень,
Сень, мезень кисэ э р и ды э с к е л и
Ды мезень кисэ вансты псинть оймень.
Эскели, лекси-пувси, теке пандо
Лангсонзо кирди – стака тензэ понгсь…
Сон сизесь… Ансяк ялатеке канды…
Те – с о н з э канстось, сонсь кочкизе, сонсь…
| 
