***

Цвети сиренесь велькссэть,

Сравтни ламбамо чине,

Цёрань кедтне жо эйсэть

Нолдыть, нолдыть састыне —

Тов, косо Петра тетят,

Тов, косо Олда ават...

Мекс, дедай, а серьгедят?!

Тон минек эйстэ я в а т!!!

Авардезь аштетяно,

Ды а кемеви тенек —

Те валгстыть тонь — покштянок —

Удомо чинек-венек.

Правтсь калмонть лангс, прок содась,

Апокшке пелесь сулей...

Те модась, эрзянь модась,

Кадык теть чевте ули...

Поминкат... Ломать, ломанть...

Ярсамопель столь лангсо...

...Сельведень пачк мон ловнан

Апак кучо сёрманзо.