Эрзянь журналисткась Татьяна Васильевна Разгуляева (тейтерькс Ладыгина) чачсь 1957-це иень умарьковонь 30-це чистэ Орданьбуень райононь Чукало велесэ. Школанть прядомадо мейле тонавтнеманзо поладызе М.Е.Евсевьев лемсэ МГПИ –нь филологиянь факультетсэ. Тосо мельспаросо яксесь литературань кужинев, конань прявтсоль А.Г.Борисов фольклористэсь. Васень сёрмадовксонзо туртов питне путсть тонавтыцянзо, эрзянь содавикс литературоведэсь Г.И.Горбунов ды Мордовиянь заслуженный писателесь В.К.Радаев. Сынст «чанстямодо» мейле, 1977-це иестэ саезь, Т.В.Разгуляевань сёрмадовксонзо кармасть печатавомо «Эрзянь правдасо», «Сяткосо» ды «Чилисемасо». Шкань ютазь ламотне эйстэст лиссть «Тештине» (1982) ды «Оцёр» (1997) вейсэнь пусмотнесэ.

Институтонть прядомадо мейле (1981) Т.В. Разгуляева малав 20 иеть важодсь «Эрзянь правдасо» корреспондентэкс. Ней сон – «Сятко» журналонь прявтонть полавтыцязо. Сёрмады очеркть, ёвтнемат, новеллат.