***

Течи молян калмазырев,

Варштан, тетяй, крёстот лангс.

Курок пижелгады виресь.

Лембе сови моданть санс...

Тарьксэсь тусь, лавшоми телесь –

Якшамотнень виест маштсь.

Тундось сови Кочкурвелес,

Лембесь малав каткакс шаштсь.

Тевтне, тетяй, седей керить.

Кадонь модат ды паксят...

Ульцятнева чувтт а неят,

Конат аштить наразь прят.

Тон а содавлик ней веленть:

Ки валаня, газ ветясть.

Веленек сюпавсто эри...

Ансяк куринкатне чамсть.

Чаво кудот, равжо вальмат,

Ошка од ломантне срадсть.

Ярмак, шождачи ды пальмат...

Мекев сыцят тей арасть.

Веле, веле, авань эле,

Тон вечкиця кедть учат.

Эрьва кадыцят икеле

Атякс пульзядо аштят...