КЕЛЬМЕ СЕЛЬМТЬ

  Минь вастовинек та-кодамо асодавикс, ломанде пешксе куринкасо. (Зярдо-бути теде арсемстэ лавшомгадыльть пильгень…) Тонь ачарькодевикс тюсонь сельмтне яла некеть… Ансяк ваныть тунь лиякс. Теке вайгелесь… Ды те вайгелесь валанясто ды кельместэ корты ютазь таргонь пиземетнеде, мелень апак яво кевкстни тевдень ды а учи пельдень каршо валт.

 …Ды вана уш монь вайгелесь (эстеньгак а содавикс) явомстонок певерди умок тонавтнезь валтнень.

 Ды ансяк мейле, зярдо коням токи вень кельме суликантень, вайгелем, ней уш эсень, тошказеви:

– Верепаз! Кадык те шкастонть саезь зярдояк истя кельмстэ а цитнить сельмтне, зярдо седеенть разди сэредькс!