|
|
Ёвкс. Верьгиз ды сея левкст
Верьгиз ды сея левкст
Эрясь-аштесь вейке сея, сисем левкскензэ марто, вечксь сеясь левкскензэ-эйдинензэ, пси авань седейсэ.
Парсте андозь, виде трязь, тевсэнть зыянось арась, коли трямот-левкснэ, кунсолыть трицянть - аваст.
Сеясь, валске ланга пурнась вирь куншкас, пиже лугас, тантей прякст
тикшеде ярсамо, вишка сея левксэнь туртов тантей ловсонь пурнамо.
Ды кармавсь сон вишка сея-левкснэнень:
- Вечкезь сисемь сея левкскеть, молян вирев, пиже лугань кужинев, тантей тикшеде ярсамо, ламо ловсыне таштамо.
Таго, кежей верьгиз вачо сы, тынь сонензэ кенкш илядо панжо, кирнявтодо печюркава ды тосо учодо, сея-ава.
Зярдо кудов мон пачкодян, кенкш ало карман морамо, лембе валсо тынк
паламо, кода вайгелем содасынк, теде мееле кеншень селгоманть панжсынк.
Кармавтома неть валтнэнь ёвтазь, тусь сон вирень кужинев.
http://fantasy-c.narod.ru/illustrations-wolf-and-kids.htm
Те шкастонть, верьгизэсь, салава кекшезь, кудо вакссо аштесь, пек апаро тевде арсесь.
Сонзэ ульнесь вейке мелезэ, кода чаво пеке пештямс, вачо эрямонть лоткавтомс.
Састынестэ кенкшентень сась, ды эчке вайгельсэ ушодсь кортамо:
- Панжинк кенкшень селгоманть, кутмордынк, эсенк аванть. Мон туинь тененк ярсамо, тантей ловсодо потямо.
Вишка сея левкснэ, чаркодизь вачо верьгизэнть эчке вайгелензэ.
Бойкинестэ кирнявсть печуркава, кекшсть ды пек пижакадозь мерсть:
- Тонть верьгиз эчке вайгелеть минь маринек, кенкшенть седе парсте минь пекстынек.
http://fantasy-c.narod.ru/illustrations-wolf-and-kids.htm
Тусь верьгизэсь тусто вирев, апак ярса. Вачо пекесь, лейшамо? эзь максо, кармавсь редямо-арсеме, кода сея левкснэнь сэвемест.
Васоло вирьсэ, сёвонь лейсэ, ёла? пиже кузонть ало, кармась сон эсинзэ
вийсэ, чова вайгелинь таргамо, келень мендямо, вайгелень човамо.
Лей берёксо увнось ламо, тонадсь чёва вайгельсэ морамо.
Вачо пекесь, юмбор-боты потсо, прясь ярсамодо мелявты, пильгтнэ кандыть вирьчирес, сисемь сеянь кудынес.
Чийсь сыре сеянь кудонтень, сисемь левкскень пекставксонтень, кенкшенть алов, чова вайгель тарги;
- Панжинк кенкшень селгоманть, кутмордынк эсенк аванть. Мон туинь тыненк ярсамо, тантей ловсо потямо.
http://fantasy-c.narod.ru/illustrations-wolf-and-kids.htm
Вишка левкснэ пекень вачозь, стувтызь авань ёвтазь валтнэнь, кирнявсть алов кенкшенть панжмо, вачо верьгизэнь нолдамо.
Эзть кулсоне сея левкснэ, вишка лелянть, конась содызе виргез-вайгеленть.
Парсте селгозь кенкшенть панжизь, верьгизэнть тантейстэ андызь.
ёвлизе Терюшань Серьгу
|
| Категория: Мои статьи | Добавил: tati (24.10.2009)
|
| Просмотров: 1730 | Комментарии: 1
| Рейтинг: 5.0/3 |
|
| Всего комментариев: 1 | |
|
1
Ермолаев А.И.
(08.12.2009 02:10)
0
Шумбрачи! Ловнынь лопатнень, мелезэнь тусть. Кода рамамс эсень эйкакштненень неть мазый книгатнень. А микшневить. Монгак снартнян ютавтомс ды рузонь тексттнэнь алов путнян эрзянь ютавкст. Сестэ ловнан эйкакштненень кавто кельсэ.
|
|
|
|
|
|
