Валморот  ды  ёвтнемат

Он окончил Малотолкайское педучилище, потом – Волгоградский институт физкультуры, работал учителем физкультуры в Чесноковской средней школе Кошкинского района Куйбышевской области. С 1954 по 1957 год служил в армии, потом более двенадцати лет работал на разных должностях в Сибири, но в 1967 году вернулся в Куйбышев. В настоящее время живёт в Самаре.

Писать стихи начал ещё в школе. Первым его учителем и наставником был В. К. Радаев, преподававший в то время эрзянский языки литературу. Он вёл также литературный кружок. Мировоззрение и нравственный опыт будущего писателя складывались под непосредственным влиянием нелёгких жизненных впечатлений.

В 1982году в газете «Эрзянь правда» и в журнале «Сятко» была напечатана большая подборка его стихов. Его замечают как в писательских кругах Мордовии, так и просто читатели. Активно печатается в детском эрзянском журнале «Чилисема», газете «Эрзянь Мастор», в самарской областной газете "Валдо ойме". Произведения Журавлёва печатались в коллективных сборниках «Маней васолкст» («Ясные дали») и «Горизонт». Первая поэтическая книгаЖуравлёва «Сёксень цецят» («Осенние цветы») опубликована в Мордовском книжном издательстве в 1991году. Потом вышли его книги «Овтонь латко» («Медвежий овраг», 1993), «Каргонь вайгель» («Голос журавля», 1995), «Валдо ойме» («Светлая душа», 1996), «Арсемат ды ежот» ("Мысли и чувства, 2000), «Вечкемань теште» («Звезда любви», 2001), «Кемемань валдо» ("Свет веры, 2002), «Арсемань пакся» («Поле мысли», 2003), «Седеень вайгель» («Голос сердца», 2004).

Список изданных книг эрзянского поэта и писателя Числава Журавлёва:

1. «Сёксень цецят» («Осенние цветы»). Саранск, 1991.

2. «Овто латко» («Медвежий овраг»). Саранск, 1993.

3. «Каргонь вайгель» («Голос журавля»). Саранск, 1995.

4. «Валдо ойме» («Светлая душа»). Саранск, 1996.

5. «Арсемат ды ёжот» («Мысли и чувства»). Саранск, 1999 г. I том

6. «Вечкемань теште» («Звезда любви»). Саранск, 2000 г. II том

7. «Кемемань валдо» («Свет надежды»). Саранск, 2001 г. III том

8. «Арсемань пакся» («Поле раздумий»). Саранск, 2003 г.

9. «Седеень вайгель» («Голос сердца»). Саранск, 2004 г.

10. «Каргинеть» («Журавлики»). Саранск, 2007.

Тематический диапазон лирикипоэта многогранен. Он отражает радость и тревогусвоего времени, чаяния и надежды трудового человека, его духовный мир. Отталкиваясь от конкретного факта, он приходит к широким социальным обобщениям. Его поэзии присуща ясность образов, простота изложения. Мир природы и мир человеческих отношений в стихах поэта представляются в единстве.

Произведения Числава Журавлёва способствуют повышению интереса к своим истокам, обогащению духовно-нравственного потенциала эрзянского народа, сохранению и развитию родного языка и культуры. Числав Григорьевич Журавлёв принимает самое активное участие в литературных вечерах, областных национальных праздниках, межнациональных фестивалях, проводимых в Самарской области и в Республике Мордовия.

В 1990 г. был в числе первых организаторов областного эрзянско-мокшанского общества «Масторава». Вёл передачи на эрзянском языке на многонациональном «Радио-7 из Самары». Числав Журавлёв — член Союза писателей России с 1996 года.

В 1999 году Ч.Г. Журавлев стал лауреатом премии им. А.П. Рябова за вклад в развитие эрзянского языка и культуры.

В том же году Числав Журавлёв стал лауреатом Международной премии имени Матиаса Кастрена(Финляндия) за вклад в развитие радиожурналистикифинно-угорских народов.

В 2005 году Журавлёв удостоен Губернской премии в области культуры и искусства за литературное творчество на эрзянском языке.

Каргонь вайгель

  Кавксоньгеменце иетнестэ эрзянь содавикс поэтэсь Иван Алексеевич Калинкин кармась важодеме Мордовиянь Писателень правлениянь прявтокс. Сонзэ кабинетэнь кенкшезэ панжадоль весенень. Ульнинь кедьсэнзэ монгак. Те шкасто совась шумбра, елганя цера. Чамасонзо налксесь чевте мизолкс. Сельмсэнзэ цитнесть эрямонь вечкемань сяткинеть. Шумбракстнемстэ сон евтызе лемензэ: "Числав Журавлев”. Вана истя теевинь содавиксэкс эрзянь поэтэнть марто, конань стихензэ нейгак солавтыть монь седеенть. Числав Журавлевонь ойместэ лисиця валонзо гайгить эрзянь велетнесэ, кузить менелев, косо сравтовсь каргонь кись ды ланганзо чиить поэзиянь сырнень валонзо, валрисьмензэ. Поэтэнть фамилиязояк сюлмазь те нармунень лементь марто. Ды стихензэяк теке нармунень мазый морот.

Эрзянь поэтэсь Числав Журавлев чачсь 1935 иень 27-це чадыковонь чистэ Самарань енксонь Покш Толкан велесэ. Те мазыйдеяк мазый таркась макссь тензэ превей раськеть. Эйкакшпингезэ ютась покштянзо ды сырькаензэ кедьсэ. Седей мариця ломанекс ульнесь церыненть сырькаезэ Акулина Ивановна. Сон весе эрямонзо ды седеень вечкеманзо максызе Числавнень. Вишка пингстэ сырькаезэ эрьва валске стявтсь церыненть: "Стяк левкскем, евкс теть сась”.
– Мезе тень евксось кандсь? – сельмень апак панжо кевкстилизе Числав сырькаензэ.
– Монь койсэ пачалксеть, – мериль салавинька Акулина Ивановна.
Эли сон евтыль лия ярсамопель. Мезе пидиль – сень евтылизе. Истя вана ушодовкшныль эрьва чись.

Эйкакшпингстэ Числав кармась вечкеме перть-пельксэнть, велень мазычинть. Кизэнь пси читнестэ церынесь экшелякшнось Толкан лейсэнть ды кундсесь калт. Тельня кирякстнесть сокссо, покштянзо марто якась нумолонь кундсеме.

Чокшне ланга шабратне сакшность Алексей Петрович покштянстэнь. Те шкась пек вечкевсь Числавнень. Весе кунсолость потефон. Мартонзо морасть. Сакшность ламо евксонь содыцяткак. Ялатеке сехте ламо евкст содась Акулина Ивановна. Сонзэ евтнеманзо тукшность весень мельс. Ламо иень ютазь поэтэсь теде ледстни истя:

Удось виресь, паксясь,

оймсесь модась
Пире песэ, селтсонть нармунь

рангсь.
Монь лангс варштнезь,
покштям локшо кодась,
Бабам педявтсь панкске
понксом лангс.
…Сэрей ойме ломанть
кастасть превень, –
Пингень лембекс кадовсть
сынь монь верьс.
Паряк, секс седеем аволь
кевень
Ды свал бажи оймем
сынстнэнь сэрьс?

1943 иестэ Числав Журавлев кармась тонавтнеме школасо. Масторонть лангсо мольсь покш тюрема фашистнэнь каршо. Весе учость фронтсто кулят. Се шкасто тонавтнесть эрзякс. Ветеце классо Числав кармась стихень сермадомо. Васенце тонавтыцязо ульнесь эрзянь поэтэсь В.К.Радаев. Василий Кузьмич ламо вий ды ойме путсь церыненть кастомасо. Эряви видькстамс: В.К.Радаевень пельде Числав Журавлев тонавтнесь пингензэ перть.

Числавонь тетязо Григорий Алексеевич ды авазо Наталья Григорьевна кастасть кото эйкакшт. Тетязо пингензэ перть важодсь шоферэкс, авазо тейсь эрьва кодат паксянь ды кудоютконь тевть. Сынь ульнесть моронь вечкицят, вайгелест пек мазыельть. Важодемадо мейле Журавлевтне озыльть кудонть икеле эзементь лангс ды серьгедильть эрзянь лужаня моро. Сынст вайгелест ливтясь веленть велькска. Морась Числавгак. Морось истя тукшнось церыненть ойментень, мик сельмстэнзэ поцерсэ чудесть сельведензэ. Тиринь кудось те шкас Числав Журавлевонь мельсэ:

Олгсо вельтязь кудо,
Мон тонь эзинь сюдо,
Зярдо ульнить кельме,
Зярдо ульнить пси.
Мон тонь эйсэ эринь, –
Васень валон меринь
Гайтев пакшань шкасто:
– Авай! Тетяй! Кши!
Эрить апак удо,
Олгсо вельтязь кудо.
Тон свал кастыть эйкакшт,
Пидить, панить, стыть…
Эрить, кода маштыть,
Ули-паро таштыть,
Зярдо сралесть тякат –
Пильге лангсто прыть.
Ней тонь велькссэ тумось
Кашторды, прок чумо, –
Сырнень сэрят правты
Сормсезь конят лангс.
…Весе тукшность умок
Кадовсь ансяк тумось.
Нать, сон сехте парсте
Педясь моданть санс.

Кеместэ педясь корьмай моданть санс неть валрисьметнень сермадыцяськак. Малав весе стихензэ алтазь мастор лангсо эрямонтень. Педучилищань прядомадо мейле сон тонавтсь эйкакшт. Мейле прядсь физкультурной институт.

Стихень сермадомасо Числав Журавлевнень пек лездась Михаил Втулкин. Од поэтэнтень паро ломанть кортасть, келя, ули истямо поэт, Втулкин, – сон Покш Толкан велень ломань, ней эри Саранск ошсо, "Эрзянь правда” газетасо важоди. Ды Числав Журавлев кувать апак арсе кучинзе стихензэ сонензэ. Од поэтэнтень Втулкинэнь пельде сась покш серма. Лиякс меремс, кавто сермат комсьнилее страницасо. Мезе арсесь евтамс поэтэсь эзь кельгть вейке конвертс, секскак истя сон тейсь. Истят сермат Числав Журавлев зярдояк эзь сермале ды сонензэяк кияк эзь сермале…

Истямо мазый кель каятотсь неть валрисьметнесэ. Числав марсекшнесь истят валт ансяк сырькаензэ пельде, зярдо сон евтнесь евкст. Мейле В.К.Радаевень, сонзэ сехте вечкевикс тонавтыцянзо пельде, Михаил Втулкинэнь кедьсэ сермадозь буквась мизолды, теке сонсь поэтэсь.

Васенце сермасонть Михаил Втулкин шнызе Числавонь сень кисэ: сон таго кармась сермадомо эрзякс, евтнизе, кода эряви нурькинестэ сермадомс… Ламо сермат, ламо превс путомат, ламо лембе валт марясь Числав Журавлев Михаил Втулкинэнь серматнестэ.

Числавонь стихензэ кармасть лиснеме "Маней васолкст” вейсэнь книгасо, "Сексень цецят” пусмосо, "Каргонь вайгель”, "Валдо ойме” книгатнесэ. Вана мезе евтни сонзэ поэзиядо Мордовской книжной издательствань главной редакторось Т.С.Баргова: "Ловнан Числавонь стихтнень ды сельмень икеле сти сонсь сермадыцясь. Сэнь сельмензэ чевтестэ ваныть, прянзо чиремтизе, кунсолы… А уш вал ушоды – теке ванькс лейне кунсолат, секс седе вечкевияк, зярдо стихензэ сонсь ловны. Маряви, эрьва валонтень оймензэ путы, вечкеманзо… Печтязь эрямонь кувака ки, конань лангсо ульнесть ламо вастовомат, ризкст-мелявкст, цидярдомат – оймесь лаказь лаки эрямонь вечкемадонть… Ды чачсть стихтне”.

Числав Журавлев ойместэ лисиця валрисьметнень совавтынзе колмо томсо книгазонзо. Аволь умок сон таго сакшнось Саранскоев ды седейшкава казизе монень стихень пусмонзо. Вана васенце томось. Сон ушодови эрзянь содавикс поэтэнть Александр Араповонь икельце валсонть. Поэтэсь толкови, келя, Числав алкуксонь ломань. Стихензэ лембеть.Эйстэст моли валдо, шумбра вий. Валрисьмензэ токить седейс. Сермады – теке лекси. Александр Арапов те книгастонть невти истят валсюлмавкст:

Учось седеесь свал –
Сы тень истямо вал,
Кона мартом сайсамам ванды.
Валось менельстэ сась,
Моронь видьмексэкс прась, –
Ней сон менельга седеем канды.

Седе тов Александр Арапов ловныцятненень евты, келя, меельце шкасто Числав Журавлев кармась сермадомо валмеревкст, нурька стихть – вишкине произведеният, косо пек домка философиясь кеместэ сюлмазь психологиянть марто. Истят стихть минек литературасо арасельть. Поэтэсь тейсь васенце эскелькс ды, нама, сон удалась. Те, алкукскак, истя. Невтемань кис книгастонть сайтяно зярыя валрисьметь:

Содак, митядызь сеть,
Кить эзть рамаво теть.

Кие ламо онги, –
Цетмар алов понги.

Куроксто а стят,
Зярдо перькат ятт.

Тевсэ апак лака, –
Эрьва косо стака.

"Арсемат ды ежот” васенце томонтень Числав Журавлевнень састь эрямонь китнень ланга эскелямсто, ламо ломань марто вастовомсто ды сынст марто кортнемстэ. Поэтэсь карксамга сюкони сыненст. Сон евты сюкпря, кить лездасть тензэ те книганть нолдамсто. Васняяк – Юрий Васильевич Менчикнень.

Поэтэсь книганзо алтызе Покш Толкан тиринь велень эрицятненень, конатне кадовсть сонзэ седейс васенце вечкемакс, эрямонь чивалдокс ды валонь виекс. Числав Журавлевонь омбоце томонть лемезэ "Вечкемань теште”. Таго икельце валонть сермадызе поэтэнть ялгазо Александр Арапов. Сонензэ ледстявсь, зярдо Числав марто аштесть Чихан пандо прясо. Журавлев вансь-вансь Покш Толкан веленть лангс ды авардезевсь. Седе тов Александр Арапов евтни: "…Мельсэм ашти: васенце вастовомсто, зярдо пшкадевинь Вячеслав Григорьевич, сон мерсь: "Числав монь лемем”.
Ютксонок аштесть комсьветее иеть. Стихть зярс а содылинь, ансяк сестэ уш чарькодинь: икелем – поэт.

Ванан книгат лангс ды кецнян кисэть… Улевельтькак живть пильге лангс стявтыцят, тонавтыцят – Покш Толканонь ломантне, эрзянь писательтне Василий Кузьмич Радаев ды Михаил Алексеевич Втулкин, лепштявлизь кедеть, лембестэ кутмордавлидизь. Ды тон чарькодевлить мезень кисэ”.

Числав Журавлевонь "Вечкемань теште” книгантень совасть стихть, поэмат, евтнемат, конатнень сон сермадынзе ютазь комсь иетнень перть. Тесэ печатазь Александр Араповонь ды Числав Журавлевонь ютксо кортамось. Сынь толковасть эрзянь кельденть, литературадонть. Седе ламо ульнесть кевкстемат. Поэтэнть Александр Араповонь ульнесь мелезэ содамс Числавонь раськедензэ, васенце вечкемадонзо, эрямонь кидензэ, поэзиянь янонть невтицядонзо. Весе кевкстематнень Числав толковась чарькодевикстэ.

Зярдо Александр Арапов сонзэ кевкстизе кодамо ульнесь васенце вечкемазо, Журавлев евтнесь:

– Апрельстэ вечкемам варштась сельмезэнь покш сэнь сельмсэ. Мон вечкан ды монь вечки сехте мазый тейтерь, конань лемезэ Валя! Ансяк маней пиземесь моли аволь кувать. Туинь армияв служамо. Самолетсо ливтнинь стрелококс-радистэкс: Кавто иеть – серма мельга серма… Весть сась конев панкске. "Лисинь мирденень…” Прок вачкодимизь. Кодамо сэредькс! Весть, парашютсо кирнявтомсто, арсезевинь: "А панжса…” Ледсть мелезэнь авам, тетям, ялаксом, сазором… ды Пазось макссь тень превть поладомс эрямонть.

Армиядо мейле Числав Журавлев пачколесь Магаданов, косо эрясь кемень иеть. Чинь-чоп кортнесь рузкс, ансяк онстонзо раськензэ марто толковась эрзянь кельсэ. Церанть оймесэ энялдсть стихтне. Вана кода Числав толковась сындест:
– Валдо ежо тапардасы оймем ды рунгом, зярдо моран. Эрсить шкат – авардянгак. Лиясто ежом коли, монсь а содан мезде… Зярдо тень сы стихень сермадомань ежось – арка-эзем а муян. Сестэ саян ручка ды… валтнэ сынсь ливтязь ливтить – ойсить коневонь ашо паксяванть. Стихесь прядови – седеем ойми, ды таго пейдезеван: уцяскаван!

"Кемемань валдо” – истя Числав Журавлев лемдизе стихень пусмонь колмоце томонть. Тезэнь совасть стихть, конатнень сон сермадынзе эрзянь, рузонь кельсэ. Теде башка максовить лия кельтнестэ ютавтовксонзояк: финнэнь ды маринь поэтнэнь-классиктнень зярыя сермадовксост. "И тихий свет моей звезды…” пельксэнтень совасть Числав Журавлевонь истят стихензэ, конатнень рузонь кельс ютавтынзе Самарань поэтэсь Анатолий Арапов.

Числав Журавлев эри Самара ошсо. Важоди "Радио-7 из Самары” ламо нациянь радиостанциянь редакторокс. Поэтэсь вети эрзянь программат. Зярдо Суоми масторонь М.А.Кастренэнь вейсэндявксось яволявтсь радиожурналистнэнь ютксо конкурс, Числав Журавлев лиссь изницякс. Сонензэ макссть те вейсэндявксонь премия.
Поэтэсь тонавты Равонь томбалень эрзятнень тиринь келест вечкемантень. Тенень лездыть радиопередачатне ды, нама, стихензэ. Вана мезть евтни филологиянь докторось, профессорось Р.Н.Бузакова:

– Монень васенцеде савсь вастовомс Числав Журавлев марто Самара ошсо 1993 иень маень 12-це чистэ, зярдо ютавтовсь эрзянь келень чись. Тесэ ульнесть школасо тонавтыцят, поэтэсь Числав Журавлев, литераторось, педагогось Петр Кузьмич Кулагин. Мон евтнинь эрзянь келень мазычиденть, кода эрзянь писательтне тевс нолдыть эсь келень сюпавчинть. Эсь мелензэ тиринь келень уроктнеде евтызе Шенталинской райононь Васильевка велень школань тонавтыцясь Полина Григорьевна Азязова. Ламо толковась методистэсь Петр Кузьмич. Виев цяпамосо вастызь Числав Журавлевонь. Сон ловнынзе эсензэ стихензэ. Сынь ванькст, седейс токицят, кодамо сонсь поэтэсь. Числав Журавлев панжадо оймесэ васты ве ендо сыця раськетнень, седеезэ сэреди эрзянь келенть кис.

Сюконятано тензэ!

Поэтэнть низэ Жемми кулось. Алеша церазо прядызе Московонь университетэнть, аспирантуранть. Сермадсь диссертация. Лиякс меремс, поэтэнть эрямосо берянеськак а тукшны вадрянть эйстэ.

Сонсь Числав Журавлев эсензэ творчествадо толкови истя: "Неть сермадовкстнэ – седейстэ. Панкст – эрямосто. Эскелькст. Пупордямот. Стямот. Кода састь тень неть валтнэ, а содан. Апак учне. …Косто-бути… Седеесь свал евтаволь вал, – а кардави сон. А кирдеви…

Шкась кармавты. Аволь одан. Капшама. Кенерема. Кенерема евтамс валонть. Мондень башка, кие сонзэ евтасы монь кисэ?” Ансяк меельце иетнестэ сон нолдась вете стихень пусмот.

Вана истямо эрямонь лувозо поэтэнть Числав Журавлевонь. Кемтяно, куватьс карми гайгеме, теке каргонь, лужаня вайгелезэ.