Эйзюрков

Ютась якшамо телесь. Сонзэ таркас сась тундось. Эйкакшнэк-покшнэк — весе кенярдыть сонзэ самонтень. Ды аволь ансяк ломантне кецязь вастыть лембе шканть, мик ракшатнеяк, нармунтнеяк.

Эйзюрковось — те истямо шка, зярдо телесь прядови ды ушодови тундось. Те иестэнть тундось сась шкадо икеле. Лембелгадсь уш даволковонь меельце читнестэ. Секс тундонь васень читне манейть. Ловось солась, ансяк тия-тува неявить ашо панкст раужо моданть лангсо. Лейтне, эрьктне пешкедсть, эйбокольтне кепедевсть верев. Чудикерькстнэ куринкатнева чудить эрязасто, кецнезь, капшить лейтнес.

Ратор лееськак пешкедсь, эйтне тусть. Ведесь чуди виевстэ, капшазь канды ведензэ Сура леев.

Эйзюрковсто менелеськак кода-бути полавтовсь. Тюсозо кармась улеме валдо-сэнь. Сон кепедевсь седе верев. Эйсэнзэ налкси тундонь кенярксов чись.

Сеске редявсь: те ковстонть читне пек седе кувалгадсть, ветне нурькалгадсть.

Курок велявтыть кудов лембе масторсто варсейтне, письмартнэ ды лия нармунтне.

Минь учотано се шканть, зярдо чувттнэ сыргозить телень удомастонть ды пертьпельксэнть вельтясызь пиже парсейсэ.

Мои вечкса те шканть, зярдо оймесь кенярды. Ды алкукскак, тундонь самостонть полавтови ломаненть потмоёжозо, тееви кода-бути седе чевтекс, валдокс.         

Ды весе те ушодови эйзюрковсто!

Борисова Настя,

Ицялбуень Селищасто