***

Вармась арсемам ракасы,

Сы майсема апак тердть.

Мекс а аштеван таркасом?

Мекс а удан мои веньперть?

Мекс тей-тов яксян кудованть:

Кие мон ды мезекс мон?

Эйкакшпингес прок кадовинь,

Эрян — теке неян он...

Ков уцяскась эйсэнь вети?

Мекс оймем истя талны?

Кода пштистэ ваны тетям,

Кода стакасто ваны...

Тень лиякс неявсь эрямось,

Тень марявсь шождынекс кись...

...Од ульнинь мон — тетянь чамас

Ёртнинь: «Эрямот эзь листь!..»