Терюшань Сергу. Сергунь уцясказо - Мои статьи - Каталог статей - Эрзянский литературный сайт

ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Мои статьи

Терюшань Сергу. Сергунь уцясказо

Сергунь уцясказо

– Валске марто Сергу! Нейке стяк, тонеть Маня сась, терди эйсэть баляга мельга, – раказь вайгельсэ мерсь тетясь. 
– Кодамо Маня? – эзь сыргузе, кевкстсь Сергу. 
– Мазый тейтерькась, конась бабанстэнзэ-покштянстэнзэ сакшны лия велестэ ды тонеть пек вечкеви,  – кортась тетязо, седеяк пек раказь. 
Неть валтнэнь мельга Сергу кепедизе прянзо, панжинзе  сельмензэ. Тетязо аштесь панжадо кенкш экшсэ, удалдонзо псистэ ды валдосто палсь манеесь. Сергунь сельмензэ удомодо мейле мезеяк эзть нее. 
– Косо сон? – кирнявтсь удома таркасто ды пижакадсь Сергу. 
– Вана, вакссон ашти, учи кода удомот яви. Вант, тейтерькатне а вечкить кувать удыцят, лия муи эстензэ цёра, – парсте раказевсь тетясь. 
Сергу кирнявтсь понкс потс, саизе Манянь кедте ды чиезь ускизе кудо потсто, ушов. Манеесь кенерсь псистэ эждямонзо коштонть, луга-лопине ланга кой-кува кадовсть ды цитнить росань байгетне, пиже лугась пачк викшнезь балягасо. Экше, начко лугинесь вечкевсь кепе пильгетненень, Сергу комась ды раздесь колмине балягинеть, велявсть Маня ёнов ды венстинзе тензе тюжа цецятнень. Маня саинзе балягинетнень, ладинзе черензе потс ды валдосто пейдезевсь. 
– Маня тон маштат кодамо балягасто каштаз? – кевкстизе церынесь тейтерьканть. 
– Маштан, – састыне мерсь тейтернесь пеедезь. 
Сергу пульзясь ды кармась раздеме, а Маня – кодамо, куроксто тевесь теевсь, каштазось ладявсь тейтерьканть пряс. 
– Тон пек мазыят Маня,  – сорнозь вайгельсэ мерсь цёрынесь. 
Вишка Манянь сельмсэ палсть псить толнэть, сынь якстерьгавтызь цёрыньканть, сон визделгадсь ды прянзо нолдызе алов. 

– Маня! Сак тей! – капшазь-талнозь вайгельсэ пижакадсь авазо. 
Маня стясь ды чиезевсь аванзо ёнов. Церынесь кадовсь луга лангсо ськамонзо. Кепедизе верев прянзо ды кувать вансь валдо сэнь менельс, нейсь,  кода уить састыне ашо пельтне. Сонзэ перька мазыйстэ цветясть лугатне, вансь,  кода мазыйстэ аштить виртне, те сонензэ весе вечкевсь, уцяскадо ульнесь пешксе оймезэ ды мелезэ. Те чись кувать кадовсь сонзэ ледстематнес. Те чиденть мейле ютасть сисем иеть. 


Пулев киланга, сэрей лей берёк ланга мольсь покш церыне, прячерензэ чи ало  пултазь,  ашолгадсть, валдо сельмензэ сэньшкадсть менелекс, чамазо весе безьгутав. Оршазь ашо викшнезь панарсо ды ашо понкссо, мольсь ды мезде бути арсесь. 

 Сергу! – пижакадсь ки-бути удалдо. 
Церынесь велявтсь удалов ды талакадсь: икелензэ аштесь Маня, викшнезь ашо руцясо. Сергунь сельмензэ чаракадсть, кирьгапарезэ коськсь, вал а ёвтави. Тейтерькантень визькс теевсь, сон велявтсь ды тусь чиезь.

 

 

 

Категория: Мои статьи | Добавил: tati (14.02.2011)
Просмотров: 428 | Рейтинг: 5.0/2 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. З... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
[01.02.2010][Мои статьи]
Александр Маркович Д... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2017
    Сделать бесплатный сайт с uCoz