Репст
Маней, валдо тундо сась.
Лембеденть ловось солась.
Бабась мери нуцьканстэнь:
– Ней листяно пирентень.
Пандине минь чувтано
– Тантей репскеть видтяно.
– Ох, бабакай, а молян:
Прям сэреди, нать, кулан.
Эзь тердеве нуцьказо
– Репстнэнь видсь сон ськамонзо.
– Адя, нуцькам, кочкомо,
Несак, тикшесь кодамо.
– Тосо, бабакай, сизян:
Молян лейсэ экшелян.
Кизэсь ютась, сёксесь сась
– Репстнэнь таргамо кармасть.
– Адя, нуцькам, таргасынек.
– Бабай, вандынь чис кадсынек.
Бабась ськамонзо таргинзе,
Нуцьканть ярсамо тердизе:
– На-ка репскенть варштыка,
Анок пизэнь варака,
Мелезэть туи-арась?..
Репскенть таркас кшумань макссь.
– Бабай, мекс пек чапамо?
Вай, а тантей кодамо!
– Лезэ эзить путо тензэ
– Сон невтизе теть танстензэ!
Вана на-ка тень варштыка,
Конань валнось ялгат Мика.
Цёрынесь репсэнть сускизе,
Мерсь: – Зярдо сы таго кизэ?
| 
