Бабань саразкезэ

Бабань ульнесь саразкезэ,

Тол-якстере коклацькезэ.

Бабам сеедьстэ кортнесь:

– А алыи сёрмавнесь.

Мезень кисэ сонзэ трямс?

Валске эряви кундамс,

Базаров сонзэ ильтямс.

Валске рана бабам стясь,

– Косо сёрмавнесь?– сон пшкадсь.

Вешни бабам латалкска,

Вешни пире удалга.

Арась толонь коклацькесь,

Ёмась понав пильгинесь.

Ламо чить ды веть ютасть–

Сёрмавнесь яла арась.

Весть штердсь бабам кузтембесэ

– Истя мезе неян тестэ?..

Утомонть алдо стамбаро

Лиси клука ципа марто.

Бабам коклацькенть содызе,

Сеске ципатнень андынзе:

– Ожот, сёрмавт, ярсадо,

Седе курок касодо,

Монень алт алыядо.