ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Стихи

Пётр Гайни. СОНЕТТ

СОНЕТТ

***

Тельня лиясто вензэ лангс ломань

Родной велев сырги чаво паксява.

А фатияк, кода равжо суманькс

Масторонть лангс ацави весь салава.

 

Сырги давол, кепети кандылов,

Кона яла виензы ды виензы.

Азды уш сон, пачтясы ли кудов

Бутрав вень пачк талакадозь оймензэ?

 

Но сон моли, хоть сизияк допрок,

А максы пря эйзюро пей даволнэнь...

Ды друк сонзэ икеле, теште прок,

Кивчкади чоподасонть липни толнэ.

 

Вечкевиксэм, тонгак, прок тол сырнень,

Эрямочисэнть свал светят монень.

 

***

Минь мартот вастовинек а шкасто,

Хоть эрсить вастовомат истят.

Мон уш пелепингс эскельдинь сестэ,

Тон жо, умарина прок, цветят.

 

Ки соды, кода сонзэ чарькодемс,

Те минек а эрсикс ояксчинть?

Ведь эрямось, теке суре кодемкс,

Эсь кинзэ лиясто пек менчи.

 

Апак фатя ютьггь читне-ветне

Ды вечкемась пек кутсти мелеть.

Хоть минек аволь вейкеть иетне,

Но мельтне-арсематне вейкеть.

 

Эдь сентябрясь ды цветиця маесь

Вейке иень ковтнень ютксто саезь.



Категория: Стихи | Добавил: tati (17.11.2010)
Просмотров: 433 | Рейтинг: 0.0/0 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. К... (0)
[24.01.2010][Мои статьи]
Художники в СССР. Из... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2017
    Сделать бесплатный сайт с uCoz