Нянянень

Пиштема шкань паро оинем,

Вечкевикс нармушкам умонь,

Тон вирь куншкасо, монь бабинем,

Умок, пек умок учат монь.

Аштят вальмало ды мелявтат

(Истя а весть некшнитинь мон)

Ды спицатнень састо якавтат.

Эсеть сыре кедтнесэ тон.

Стувтозь ортатнес ваныть сельметь,

Ды ваннат васоло кинть лангс.

Стака ризнэмась эйсэть пельни,

Разди седеть панксонь-панкс.

Эрзянь кельс ютавтынзе Павел Любаев