ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Стихи

Павел Любаев. КАПШИЦЯ СТЁПАНЯ

КАПШИЦЯ СТЁПАНЯ

 

Стёпаня капши ловномсто,

Капши буквань сёрмадомсто.

У-нть таркас сёрмады Ц,

Ц-нть таркас сёрмады Ш:

Букванзо весе чиремезь,

Теке винадо иредезь.

 

Лиссь тамаша ве уроксто...

Сась тонавтыцясь кудосто,

Классос тетрадтнень кандынзе,

Конатнень весе ваннынзе.

Кармась тетрадтнень явшеме,

Ки кода сёрмадсь, ёвтнеме.

 

Кецить тейтерькат ды цёркат,

Сынь весе учить пятёркат.

Стёпаняяк учи шнамо,

Анок эстензэ цяпамо.

 

Тонавтыцясь сонзэ ваксс сась

Ды мерсь, тетрадензэ максозь:

— Стёпа, ловнык, мезть сёрмадыть.

Кодат кечказт коневс кадыть?

 

Стясь ды соракадсь Стёпаня,

Чамазо теевсь ловтаня.

Новольсь тетрадкас судозо,

Мик эзь автеве кургозо...

 

Ютась ков, ютась пельие,

Сёрмадомс эзь жаля виенть.

Стёпа ней парсте сёрмады,

Мазый букват конёвс кады,

Чарькодевикст ды видеть.

Ванодо, цёркась витевсь!



Категория: Стихи | Добавил: tati (28.08.2010)
Просмотров: 486 | Рейтинг: 5.0/1 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. К... (0)
[24.01.2010][Мои статьи]
Художники в СССР. Из... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2017
    Сделать бесплатный сайт с uCoz