Тундонь инжеть

Перть-пельга ловось нувси,

А сыргави тестэ.

Вана уш грацтькак ливтясть,

Сон жо яла теске...

Грацтне ливтнить, пеняцить-

Ярсамось аламо...

Эйзюрковонть сынь сюдыть,

Мекс ловозо зяро...

Кевкстнить эрьва ютыцянть:

"Ки кудост яжинзе?"

"Те телень якшам вармась

Кежтнень явавтынзе!

Инеськеть, тундонь инжеть!

Седеенк ладсеснык-

Шукшпряв ливтнеде сеедьстэ,

Пекенк улить пешксеть!

Пизэнк витнемс - эка тев!

Нузякст, кадык, пелить,

Тынь важодемадо колт!

Селмонк ансяк велить.

Тыненк, ялгат-раужкайть,

Весень пельде мерян:

Пек самозонк кецинек

Теде а кенгелян!

Зяро кеняркс, зяро валдо

Минек оймтнесэ вельмесь.

Эрямс, важодемс ды ливтнемс

Ней минек вейке мелесь!