ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Стихи

Ольга Ивановна Антипова. Нурька морынеть

Нурька морынеть

Минек велесь пек вишкине,

Эрицят аламо...

Содавиксэкс теевтяно

Эрьва кие марто!

 

Матя патям тона чив

Ламо уш анокстась...

Арасть  "сэрей кочкарянзо",

Шабранстэнь сон тошкадсь.

 

Маря патям пек "сэреди",

Чоп учи кулома...

Сонсь жо лавкас микшницянтень

Кармавтсь покш пелюма.

 

Катя патянь течи "жар",

Кода лецямс соды –

Кавал алов путсь онкстамо,

Ванат, сон уш коды.

 

Дуня патям свал пеняци:

А моли ярсамо –

Чоп сэви кото сюкорот,

Маряви, аламо.

 

Пире-латксо важодеманть

Пек мелявтнесы Иван...

Корты, сестэ молян пирес,

Бути путтадо диван...

 

Тюма тусь сеянь ветямо,

Мекев эзь велявт, "емась"...

Арась каськасо "чапамось",

Низэ ансяк ней фатясь...

 

Ловсонь рамсиця машинас

Аватне ловсо ливтить...

Анка – ашолгавтозь веденть,

Вельксэнть жо сон сонсь пивти...

 

Ярмакт пек вечки Степан,

Кирди сынст кескавсо.

Бути эряви тензэ,

Кевксти сон шабрасто.

 

Палай патям кирди пост –

Сывель ямдо а ярсы...

Корштни ансяк веднеденть,

А безарди велькскеденть.

 

Клава патям вечки севномс,

Вана тувтал появась –

Шабрань атякш чинь куншкане

Сонзэ саразонть чалгась.

 

Прясто пильгс севны шабранзо:

"Атякшот эйсэ ванстак!"

Тона мерсь:"Мезе берянесь!

Курок улить ципакат!"

 

Ярмак пек вечки Егорь,

Кекшемест сынст капши...

Бути эряви тензэ,

Таргамс кода – арси...

 

Улить истят ломаненек -

Чинек-венек сэредить...

Весе велень кулятнеде

Сех икеле сынь содыть...

 

Веленть педе пес ютыя,

Кулядо пешксе потмом...

Секс тень овсе а эряви

Кодамояк телефон...

 

Вана весе эрицятне

Эсь прянок евтнине...

Кие кода  эри - ашти,

Тынденк а сепсынек.

 

Категория: Стихи | Добавил: tati (06.11.2010)
Просмотров: 231 | Рейтинг: 0.0/0 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. З... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
[01.02.2010][Мои статьи]
Александр Маркович Д... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2017
    Сделать бесплатный сайт с uCoz