МЕКШТЬ

Сырькаем тень евтнекшнизе,

Алкукс  тевесь те ульнесь,

Невтекшнизе монень кува

Сравтовкшнось нешке пирест.

Кудосо церат эзть ульне.

Шабрась вальмава пачтясь:

Пире песэ леенть чирес

Мекшень семия оймась.

Урьват-парыят капшазевсть,

Леенть енов напустясть.

Крута лей чирень мештентень

Мекштне покш кирекс педясть.

Чачонть сеткасо вельтизе,

Парыясь яла капшавтсь:

– Седе курок макст сувтеме

Тенстьке венсть, шканок арась.

Пильгень путнезь сыргась састо.

Зярдо пачкодсь тунь малас –

Кенерсь мекштнень сон нардамо.

Чаразь тусь леенть потмаксс.

Мекштне, мерят, текень учнесть,

Бизныть, пупсить токицяст.

– Васоло-аволь потмаксось?

Уряжонть кевкстнесь прыцясь.