Лекш

Чувтт, куракшт, прок боярават,

Сельме эйстэдест а саят...

Лекш виензэ апак вансто

Тейнесь кудрят тенст наянсто.

Арсян... Ансяк минек велесь?

Эли, паряк, весе пельксэсь?

Истямо ашо, цитниця,

Колазь ежинень витиця?

Телень вармаськак мик энгамсь –

А правтомс кудряст,оршамост...

Озась лей потмаксс, а лекси,

Ансяк сельмечирькеть кепси...

Кискине онги, нать, ордадсь –

Куринказо мекс эзь содавт...

Ардтни, чувттнэнь лангс кайсети,

Пулозо кежденть кепсети.

Вальмало килеенть текшкес

Вирьстэ шекшата ливтясь.

Нерьсэнзэ ушодсь стукамо:

"Ванодо – мон мазый, паро!"

Лей потмаксстонть сыргозсь вармась,

Кежей, виев – тук кистэнзэ...

Ансяк шекшатась эзь тандадт...

Емась лекшесь чувттнэнь эйстэ.