Кеме ялга

Чизэ ансяк лиси,

Кузтембезэнь сы,

Таркасто мусамам,

Мазынзэ невтьсы.

Сайсамам монь кедте,

Кунсолоса – стян.

Апак пеле тевтнес

Шождасто кундан.

Кизэнь чи кувака –

Моразь важодян

Ды меньгак сизема

Чокшнэс а содан.

Чипаесь – оинем,

Чарькодинь,сизесь:

Сон чевте налонзо

Нузяксто нолдтнесь...

Вана састынкине

Вирь экшес емась.

Монь саимим мелявкс:

Мекс эйстэдень явсь?

Арась мелем явомс,

Тевем зярс улить...

Сон жо монень кончтась:

"Валскес мон туинь!"

Истя, оянь учозь.

Таркас монгак прынь.

Эйстэдензэ арсезь,

Сеск матедевинь.

Валске Чись, монь оям,

Тагояк тень сы.

Чоп лембезэ мартон,

Веть эйстэнь тукшны.

Сонзэ марто вейсэ

Пингем мон печтян.

Седе кеме ялга

Вешнян, а муян!