ОЯТ

Яки вишка Дригине,

Ранги: «Валгта, дугинем,

Карматано налксеме,

Пильгудалксонь чалгсеме».

Криндявтсь каткась каштлангсто,

Мейле варштась каштансто.

Юхаезевсь пулозо,

Ноцк тейсь Дригань улозо.

Ранги Дрига и-и-и,

Каткась эйстэнзэ чийни.

Ливтясь, теке кандылов,

Каткась совась аксялов.

Дрига сеске мельганзо,

А максы каткась прянзо.

...Кувать кундсинесэ налксесть,

Ялга-ялгань пильгеть чалгсесть.

Лотксесть чийнемеде нацяс,

Зярдо тантейнестэ ярсасть,

Мейле поладызь «тевест» —

Пешкедемс витизь мелест...

Дригат-каткат налксить вейсэ —

Пештить кудонть валдынесэ.