БОЛДИНАСО

Ютан чувтотнень алга састо,

А кельги талномась седейзэнь.

Мерят, сонсь Пушкин умонь шкасто

Сексень читнева ветни эйсэнь.

Эрькенть ваксс лоткавтымим, невтни,

Лымбаксни каршон ведесь сиянь.

Тесэ коштоськак лия, чевте, —

Секс касыть моньгак ойме вием.

Сон вана тесэ эсь геройтнень

Вастокшнось лопань прамо шкасто.

Селмост лангсо евкстнэнь, моротнень

Кандсть нармунть васов Россиясто.

Ютан чувтотнень алга састо,

А кельги талномась седейзэнь.

Мерят,  сонсь Пушкин умонь шкасто

Стихень масторга ветни эйсэнь.

Валерий Хазов. Памятник А.С. Пушкину
в с. Б.Болдино. 1997г.