Тетянь ян

Кезэрень тумо ало аштезь,

Мелезэнь ледсь эйкакшонь шкам –

Теке таркасонть, теке шкастонть,

Ансяк мартон ульнесь тетям…

Монень пароль, ды аволь седе,

Мекс кизэнь чись ульнесь маней, -

Ульнесь тетям… Сон монень ёвтнесь…

Эрьва валсонть токнось седей!

Тосто – покштястон ды бабастон –

Тетям таргась седейзэнь ян,

Конань, седеем пачк ютавтозь,

Эсь цёран седейс ней тарган.