http://fotki.yandex.ru/users/visvvi/view/14927/?page=0

СЫРЕ КАЛЬ

Сэдь песэ, яндавасо, сыре каль чары…

Варминеденть каштордозь, стамбарнэ нури.

Зяро коволт-пиземеть ланганзо ютасть.

Натой пиже лопанзо шержейгадсть-оласть.

Лецтнян яла: чувтынесь оршниль руцясо,

Прянзо копачилизе викшнезь пацясо.

Сонзэ ало од церакс шкам ютавтыя,

Васенцеде вечкемам тосо вастыя.

Чопода-сэнь отьмантень веньберть ванынек,

Сиянь теште куротнень вейсэ ловинек.

Кутморямсто-палсемстэ ковось неимизь —

Эрямонь ки лангонтень сон аравтымизь.

Яла ютан ваксканзо, модас сюконян,

Эсь сюпав уцяскам кис покш сюкпря евтан.

Свал сави ансяк лецтнемс се валдо ветнень,

Сюморкшов каленть марто печтян иетнень.