|
|
Михаил Алексеевич Втулкин. Толбандя
Толбандя
Толбандям, сыремть,
Сыремть
одс.
Толбандям, цятнозь палт
Ды леенть трокс,
Чоподанть потс
Пезнавтнек толонь налт.
Минь оям марто сынек тей.
А содан мейс сон явсь,
Ды лия марто эри ней,
Седейзэнь кельме правтсь.
Сон тусь...
Мон кирдян вейке мель:
А ношкстамс
тензэ одс.
Мон минек венченть –
Штелень-штель!
Ды штельтнень — толонть потс.
На, кирвитол!
На сэвть, на сэвть
Сень, мезенть вечкинь вельть.
Узеремгак ней ёртса тенк,
Пултынк
Кшнинтькак,
толгельть!
А мейсэ улезз тень одс
Венч мейле
теемс од.
Вечкемась каязь толонть потс...
Седейсэм — каргоць сод.
|
| Категория: Стихи | Добавил: tati (08.05.2010)
|
| Просмотров: 968
| Рейтинг: 0.0/0 |
|
|
|
