ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Стихи

МАСТОРАВА.Кевейкееце ёвтамо. КИЛЯВА. Вступление

МАСТОРАВА

Кевейкееце ёвтамо

КИЛЯВА

Вступление

Вай, верьга, верьга ливтить яксяргот,

Седеяк верьга ливтить идемкат!

Козонь, козонь сынь валгить ярсамо?

Козонь, козонь сынь валгить симеме?

Пиже луга лангс валгить ярсамо,

Масторава лангс валгить симеме...

Уш мазый, мазый тиринь масторось,

Уш паро, паро Масторавинесь!

Колмо енов сон тукшнось-таргавкшнось,

Колмо пелев сон тукшнось-венстявкшнось.

Чилисемасто мик чивалгомав

Сравтовсть виртне ды пиже паксятне.

Колоньгеменьшка тусто вирть касыть,

Ниленьгеменьшка паксят келемить,

Седеяк ламо лейть ды евт чудить.

Нама, комсь улить евтне, покш лейтне,

Колмосядт улить, паряк, лиятне.

Вай, мазый, мазый Эрзянь масторось!

Вай, паро, паро Масторавинесь!

Сэрей менельсэ морыть норовжорчт,

Килей виртнесэ чоледить цековт,

Велева-сядга ливтнить гулькинеть.

Ансяк потмура ней те мазычись,

Теевсь нусманя весе перть пельксэсь.

Мастораванть лангс душмант нежедить,

Эрьва ендо ятт, басурмант молить.

Сынь кадызь сонзэ колмо енкстомо,

Сынь нельгизь сонзэ виртнень, паксятнень.

Пайстомо ней сон, тиринь масторось,

Урознэ ней сон, Масторавинесь.

Арась масторонть Тюштя-идиция,

Арась народонть Тюштя-ванстыця.

Варштыть эрзятне чиньстямо енов —

Чиньстямо ено чизэ потмура,

Чиньстямо енксось пельсэ копачазь,

Чиньстямо ендо батыйть нежедить,

Чиньстямо ендо печказт кепсетить.

Варштыть эрзятне моли чинть енов —

Моли чинть ендо сыть печказонь вийть,

Моли чинть ендо сыть чоподань вийть.

Верьга менельга ливтить кренчень полкт,

Чувто прятнестэ пижнить варакат.

Ней кува яки Мастор — сюморды,

Ней кува паки Мастор — мелявты.

Кие неизе сюмордоманзо?

Кие редизе мелявтоманзо?

Инешкипазось верде неизе,

Инешкипазось верде редизе.

Кодак неизе Пазось — кевкстизе,

Кодак редизе — кармась кортамо:

    Мекс вельть сюмордат тон, тиринь мастор?
Мекс вельть мелявтат тон, Масторава?

    Вай, секс сюмордан мон, Инешкипаз,
Вай, секс мелявтан, ризнан, Инешкипаз,
Верьга саимим монь палы толнэ,

Алга саимим монь чуди ведне.

Таго мацтсь, Шкипаз, монь валдо чинем,

Таго ёмасть, Паз, ковось ды тештне.

Кавтов явсь, Шкипаз, раськем, народом,

Кавто пелькст теевсть сонзэ эйстэнзэ.

Кадовинь мон, Паз, инязортомо,

Пишти раськинем превей прявтомо.

Велувсо течи эрзят а эрить,

Ве мельнес-превнес сынь а кундавить.

Эрьва велесэ ней эсест койнеть,

Эрьва таркасо ней эсест илат.

 

- Иля сюмордо тон, Масторава,

Иля мелявто истя тень кисэ.

Паро видьместэ эрзятне чачтозь,

Нардев ундоксто сынст нетькстнэ кастозь,

Пряст манейгавтозь Инешкинь превсэ.

Секс кирвитолнэнь сынь а киртавить,

Ведентень юрост тунь а чудевить,

Сельмест зыяндо а сокоргадыть.

Прок кежей ормат ютыть неть шкатне,

Мельгаст лия шкат кармить улеме.

Кодамо, Масторава, тонь раськесь,

Истямо сонзэ чанстесь, уцяскась.

Эрзянь раськенть свал эрзянь уцяска,

Эрзянь народонть яла эрзянь чансть.

Лоткась Масторось сюмордомадо,

Лоткась Масторось мелявтомадо.

Куш Тюштявтомо, сюпавчивтеме,

Куш Тюштявтомо, уцяскавтомо

Яла эсензэ кива-яннэва

Вирява. Перевод. МАСТОРАВА. ВЕК ВОРОГОВ. Сказание 11. КИЛЯВА. Вступление

Категория: Стихи | Добавил: tati (14.11.2010)
Просмотров: 1562 | Рейтинг: 4.0/1 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. К... (0)
[24.01.2010][Мои статьи]
Художники в СССР. Из... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2017
    Сделать бесплатный сайт с uCoz