ТОН ЭРЯК, ТИРИНЬ МАСТОРОМ

Тон эряк, тиринь мастором,

Ульть шумбра, эрзянь раськем.

Тонь леметь, Эрзянь Мастором,

Минь кандсынек пестэ пев!

Тон лиянь эзить покорда,

Эсеть вийсэ свал эрят.

Эрзякс апак визде кортак,

Покорс иляк максо прят!

Кадык гайги эрзянь морось

Модамасторонть келес.

Кадык касы эрзянь корось,

Юты велестэ велес.

Эрзянь Мастор, тиринь мода,

Минь сюконятано теть.

Тон минек аванок, содак,

Минь тонь вечкема эйдеть.