***
Прядовсь кизэсь – монь вечкевикс шкам,
Васоло ки лангов нармунть пурны.
Пор пандынес туемстэ лоткась –
Марясак, коданя виресь увны?
Сынь кизэнть ливтеме вирь чирес,
Се таркантень, косо колмо килейть
Вейке юрсто касыть, прок сазорт,
Летьке латксонть сорныть калень илейть.
Коське сёлт потмаксось ожолды,
Велькссэм тумось сэрянзо певерди.
Чова рунго наян пизёлксось
Цюцёвсонзо каштансто якстерди.
Тошки кизэсь тенст нусманя валт,
Кенкш чиресэ пацясо аволи.
Покш килеесь пеняцязь корты –
Теке монь ойместэ валтнэ молить:
Эзинь кенерть мазый шкам нееме,
Эзинь кенерть кольнеме-эльнеме,
Эзинь кенерть морамо-киштеме,
Эзинь кенерть вечкемам каземе –
Вант, сёксесь эрямозом эль сы…
1984
| 
