ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Стихи

Маризь Кемаль. ОД ИЕНЬ МОРО

ОД ИЕНЬ МОРО

(«В лесу родилась елочка» моронть коряс)

Вирь куншкасо, вирь кужосо

Мазыйка кузнэ кассь.

Прок вечкень тейтерь кудосо,

Олявсто сон эрясь.

Виде, сэрей рунгинезэ

Пиже паляс оршазь.

Ашо ловонь руцинезэ

Сиянь салмукссо стазь.

 

Вирявась вирень ракшатнень

Кузнэнть ваксс тердинзе.

Пурнынзе весе пакшатнень,

 Инжекс серьгединзе.

Пурькат кандсь вишка нумолнэсь,

Овтынесь — тантей медь.

 Урнэсь — пештинеть, кувтелнэть.

Ривезесь — инзей ведь.

 

Верьгизэсь ташто кемсэнзэ

Куро алга якась.

Сон никсесь коштонть нерьсэнзэ,

Чевте ловонть тапась.

Якшаматинесь васолдо

Нуцьканзо марто сась.

Кузнэнтень сиянь тештинеть

Од иень вастомс макссть.

 

Ловняське кедьсэ аволдась:

Верьгизнэ, иля пель!

Сак малав, ёвксонь коволнэсь

Казезэ чевте мель!

Цитнезевсь кузнэсь толнэсэ:

— Од иенек, тей сак!

Кецнемат, валдот нолдасак,

Од уцясканть тусак!


Категория: Стихи | Добавил: tati (18.12.2010)
Просмотров: 599 | Рейтинг: 0.0/0 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. З... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
[01.02.2010][Мои статьи]
Александр Маркович Д... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2017
    Сделать бесплатный сайт с uCoz