* * *

Кизэнь валске, зярдо тикшетнестэ

Валдо веднесь пильгтнень экшеньгавты,

Чачинь мои - кувать учовикс эйде,

Колмо лелянь сазор, вейке тейтерь.

Чачинь сюронь урядамо шкасто,

Паряк, секс черем товзюронь тюссот.

Чачинь умарде ярсамо шкасто –

Мазычист умартне монень максызь.

Чачинь тештень виев прамо шкасто –

Казизь монень сынь менелень валдост.

Нармунтне тиринь ёнкссто туемстэ

Кадызь монень гайги моронь келест.

Кизэнь валске, зярдо тикшетнестэ

Валдо веднесь пильгтнень экшеньгавты,

Чачинь тетянь-авань покш мельспарокс,

Паряк, секс эрямонтень кенярдан.

Паряк, секс апаронть мон а таштан,

Паряк, секс ломантненень мизолдан.

Секс пертьпельгам аволь кежень кесакт –

Оймень лембе бажан ансяк нолдамс.

1984