Ловняське

Машань кудов а совавтсак:

Чийни сокссо, кирякстни...

Якшамосо а тандавтсак —

Чоп сон телентень кецни!

Чаминезэ тантей кстыйнекс

Теевсь — якстерьстэ палы,

Сельминензэ — сэнь цецинеть

Ловоськак эйстэст солы!

Вана ушов лиссь авазо:

— Совак, рунгинеть кельми!
Тейтерьказо, теке басом:

— Монень тесэ псиде пси!

Косто Маша кельмевтеви,

Бути чийни киринекс?

«Тон, тейтернем, нать, теевигь

Якшаматянь нуцькинекс!»