***

Мон течи а мадян валскенть самс,

Моран тешттненень нурсема моро,

Кизэнь ононть шка ули ледстямс,

Ожо сёкстенть амольдян коморос –

Шляса седеем, панжсынь сельмень…

Видечистэ кшись кодамо сэпей!

Мень те ульнесь валдо?! Пелевень!

Прянь кепедезь пшти кев ланга кепе.

Ёртсынь онтнэнь – валдонть марто чамсть,

Чевгель тюсонь чилисеманть вастса.

Кельмень чавовт… Ды кодамо тансть!

Кавтов явозь, ламолгады кавксоксть.