ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Стихи

Мария Еремина. Мон таго учан...
***
Мон таго учан,
Учан вандынь чинть,
Прок тундонть, викшнян
Эсень арсемасо.
Перькан неенсесь?
Аволдан – учи.
Монь чанстем – тосо,
Эзь кенере шказо.
Ды таго кеман:
М о н ь эрямом сы,
Сон ули валдо,
Аволь течинь, лия,
Сон весементь,
Мезенть вешнян, макссы,
Ансяк сатозо
Сонзэ учомс вием.
Мон яла учан, кеман,
Таштан мельть,
Конатнень тень топавтомс
Ванды сави.
Мон таго… Саты!
Саты сувтнемс пельть!
Сон истя зярдояк тень
А сасави.
Зярс учан сыцянть,
Менстян течинь шканть,
Алкуксонь тевтнень кист
Юты монь вакска.
Илязо саво мейле
Сюдомс прянть,
Зярдо пачкодян сёксень
Чаво паксяс.


Категория: Стихи | Добавил: tati (24.09.2010)
Просмотров: 749 | Комментарии: 1 | Рейтинг: 4.2/6 |
Всего комментариев: 1
1  
Пек вадря стихсь! пасиба .

Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. К... (0)
[24.01.2010][Мои статьи]
Художники в СССР. Из... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2017
    Сделать бесплатный сайт с uCoz