***

Мон сайса празь тештенть кедезэнь

Ды  састо эждьса ойме коштсом…

Ды вечкезь лепштяса мештезэнь,

Ды почодса эсь виень почтсонть…

Арсян, а чарькодьсамак сестэ

Ды кода свал пейдеме кармат,

А содат тон: седеем весэ, –

А содат: тосо лайшить вармат.

Тон кемат: сельмстэнь несыть онон,

Ды кандат казнекс цецят мазыйть.

Бажат сельведтнеде ванстомон

Ды… зяроцеде оймем  лазат.

Улест пиципалакст икелень –

Эскельдян. Ды а тердян идемс.

А чарькодят: седе пек пелян

Неть шкатнестэ вал арасьчиденть.