***
Марясак, кода седеем чави?
Мон кунсолан тонсенть чакамонзо.
Сонзэ ало истя сэтьме, авай,
Валтомо чарькодевикст моронзо.

Яла арсят, кодамо мон карман,
Кода кармат пильге лангс стявтомон,
Кие ёнов туян чачос-чамас…
Мелявксот певтеметь-ушодкстомот.

Монгак учан мартот вастовоманть,
Зярдо неса прям вечкиця сельмстэть,
Зярдо моданть лангс чачи од ломань –
Кавто лиясто пурнавозь пелькске.

Монень нейке малавикс вайгелеть,
Истят чевтеть-чевтеть вадяшамот…
Марят эйсэнь? Мон те, тонь тейтереть,
Сехте шожда ды вечкевикс сталмот.