***

Тон а сат а онозон, а чизэнь –

Минь тонь марто а вейкеть, а вейкеть.

Варма калавты вечкемань пизэнть –

Вант, сравтсы чаво паксява нейке.

Минь а вейкеть, а васодить кинек,

Весть явовозь, а вейсэндить мекев.

Апак вансто цецятнень шешкинек,

Авардиця вечкеманок теке.

…Эзь шешкеве, пезнась чова сардокс,

Мик велькссэнек менелесь а нельгсы.

Паряк, алкукс, а вейкеть минь мартот,

Ды вельтнетяно вейкине велькссэ.