***

Пезназь пезнынь седеезэть – налокс, -

А таргаван, кедеть иля яжа.

Кирьмицявинь пильгепезэть нарокс, -

А чалгсеван, кода иля бажа.

Керяк валсо эйсэнь, керяк пштисэ –

Олякстомтык ойметь, седейвитьксэм.

Вачо шкане валот пандсынь кшисэ,

Акирдемасо кирдиця пиксэм.

Яла туян эйстэть, яла туян…

Яла яван мартот, яла яван…

Велявтомань тувтал таго муян,

Ды чарькодян: тонетькак эряван.