Сезнезь сулей

Мезе меремс – допрок а содан,

Седеем вельтявсь кельме эйсэ,

Валтнэстэ шожда коцт мон кодан,

Конась тееви кевкс седейсэм…

Вельти масторонть ашо ловось,

Ардыть машинат сонзэ пачка;

Ютксонок вейсэнь мелесь колавсь

Ды теевсь сельме ало начкокс…

Вечкемась ульнесь, паряк, казнекс,

Конань кандызе кизэнь вармась,

Ансяк телетне сонзэ раздизь, –

Сезнезь сулеекс оно тарны…