|
|
Юлия Шведкова. Он наркоманиядо
Он наркоманиядо
Лепиясь потсом вармань морось,
Салмуксонь пштись пупимим пачк.
Эрямонть песь икелень сорнось –
Эзия маря, сельмень эзть начк…
Эрямос лазовсь кавто пельксэв.
Чи эли ве? Кодамо тев,
Калмонь мода чамам велькссэ
Эли кись вети мекев?..
Таго зярдо вечкия сексенть,
Тошкиця лопат, васень лов…
Ие ютась. Пиземень чокшне
Кулось оям саизь таков.
Кенярксов яд санганзо нолдась –
Эрямось прядовсь. Курок мон.
…Валскемарто тень чись аволдась:
«Панжить сельметь – те стака он!» |
| Категория: Стихи | Добавил: tati (02.06.2011)
|
| Просмотров: 619
| Рейтинг: 0.0/0 |
|
|
|
