ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Стихи

Иван Инжуткин. Валморот вишка ловныцятненень
***
Якшамков, якшамков,
Ушосонть пек ламо лов,
Сон ашти весе пертьпелькссэнть.
Валдо чипаесь менельсэнть.
Кудосо каштом уштано, -
Менельс кепети качамо.
 
 
 
***
Мон цёркась авань вейкине,
Арась сонзэ тейтеркине.
Ки карми тензэ лездамо:
Муськеме, кияксонь шлямо?
Авай, мон тонеть лездамо сынь,
Сапонь макст - цюлкам муськсынь.



Сырькайде
Кие валске марто кудо уряды?
Кие тенек тантей ярсавкс аноксты?
Вишка эйкакшт вечки, свал мартост налкси.
Ки нуцьканзо марто ушова якси?
Кинь черензэ ашо ловдояк ашот?
Важодезь кедензэ коськть ды казямот?
Кие лавсень морот веть монень морси?
Кинь эйстэ а покшке стихке мон арсинь?

***
Шумбрачи, гайгиця мором,
Шумбрачи, тиринь мастором!
Шумбрачи, вирть ды паксят.
Шумбрачи, ялгат, оят!
Юрий Дырин. Солнышко

Пельть

Чись ды пельтне менельсэ
Налксить кекшнемкинесэ.
Ансяк чипаесь кекши -
Менелесь аварьгады.
Кодак чипаесь муеви -
Пиземчирьке пейдезеви.

***
Якшаматясь эйкакштнэнень
Явши казнеть Од иентень.
Машина Мишанень,
Няка Маринанень,
Сазокайнень овтыне,
А монень алашине. 

***
Каткась ды озязось.
Озязкенть терди каткась:
- Сак ярсак тантей прякась.
Озяз мери:
- Покш сюкпря,
Авам мерсь тень ванстомс пря.
Кодак варштан кенжеть лангс -
Тунь а моли тень ярсавкс.
Озяз сёлмсо ахолдась,
Велестэ вирев ливтясь.
 

 
Инжуткин Ваня "Чилисема" 8, 2009
Категория: Стихи | Добавил: tati (23.11.2009)
Просмотров: 753 | Рейтинг: 5.0/2 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. З... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
[01.02.2010][Мои статьи]
Александр Маркович Д... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2017
    Сделать бесплатный сайт с uCoz